Говь-Алтай аймгийн Төрийн аудитын газраас орон нутгийн сонгуульд оролцож байгаа нам, нэр дэвшигч нарт чиглэл зөвлөмж хүргүүлж байна.

Чиглэл, зөвлөмж хүргүүлэх тухай

Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн 56 дугаар зүйлийн 56.1-56.4-т заасны дагуу сонгуулийн зардлын тайлан гарган, Нам, эсвэл нь санал авах өдрөөс хойш 45 хоногт, нэр дэвшигч нь санал авах өдрөөс хойш 30 хоногт багтаан сонгуулийн зардлын тайландаа хараат бус аудитын хуулийн этгээдээр дүгнэлт гаргуулан, төрийн аудитын орон нутаг дахь салбар байгууллагад хүргүүлэхээр заасан байна.

Иймд Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн 57 дугаар зүйлийн 57.1-д “Төрийн аудитын орон нутаг дахь салбар байгууллага зардлын тайланг хүлээн авсан өдрөөс хойш 60 хоногийн дотор хянаж, дүнг нийтэд мэдээлэх бөгөөд нэг сая ба түүнээс дээш төгрөгийн хандив өгсөн иргэн, хоёр сая ба түүнээс дээш төгрөгийн хандив өгсөн хуулийн этгээдийг нийтэд мэдээлнэ” гэж заасны дагуу зардлын тайланг хянаж, нийтэд мэдээлэх тул сонгуулийн зардлын тайланг гаргах жишиг маягтыг хавсралтаар хүргүүлж байна.

Зардлын тайлан гаргах, хянуулах, нийтэд мэдээлэхтэй холбоотой сонгуулийн хууль, тогтоомж зөрчсөн тохиолдолд Зөрчлийн тухай хуулийн дагуу хариуцлага /мөнгөн торгуулийн/ хүлээх зохицуулалттай болохыг анхаарна уу.

Хуульд заасан үүргээ хэрэгжүүлэн аудитыг хуулиар тогтоосон хугацаанд гүйцэтгэхэд хамтран ажиллана гэдэгт итгэж байна.

Энд дарж албан бичиг, хавсралттай танилцана уу.