ТӨСВИЙН ШУУД ЗАХИРАГЧ НАРТ МЭДЭЭЛЭЛ ХИЙВ.

Аймгийн төвийн төсвийн байгууллагын дарга, эрхлэгч, захирлууд болон  сумдын ЗДТГ-ын дарга нарт Төрийн аудитын тухай хуулийн 6 дугаар зүйлийн 6.3.1, 8 дугаар зүйлийн 8.1, Төсвийн хуулийн 8 дугаар зүйлийн 8.9.1-д заасны дагуу төсвийн шууд захирагчийн 2020 оны санхүүгийн тайланд хийсэн аудитын дүн, аудитаар илэрсэн алдаа, зөрчил, түүнд авсан арга хэмжээ, санал дүгнэлтийг төсвийн захирагч нарт танилцуулж, цаашид аудитаар илэрсэн нийтлэг зөрчил, дутагдал, зөрчигдөж байгаа хууль эрхийн заалт, цаашид анхаарах асуудлын талаар мэдээлэл танилцуулав.

Мөн Дэлхий нийтэд гарсан Ковид-19 цар тахалтай холбоотой төсвийн байгууллагуудын 2020 оны төсвөөс гарсан зардалд судалгаа, дүн шинжилгээ хийж ажилласныг танилцуулж, төсвийг үр ашигтай,  хэмнэлттэй зарцуулах, төсвийн хөрөнгийн зарцуулахдаа авлигын эсрэг, ашиг сонирхлын зөрчлөөс урьдчилан сэргийлэх тухай хууль хуулиудын холбогдох заалтуудыг хэрэгжүүлж, авлигаас урьдчилан сэргийлж ажиллах талаар танилцуулга бэлтгэн мэдээлэл хийв.

Баянхонгор аймаг дахь Төрийн аудитын газар