Говь-Алтай аймаг дахь Төрийн аудитын газрын 2023 оны эхний хагас жилийн үйл ажиллагааны тайланг өргөн барьж байна.
Төрийн аудитын байгууллагаас 2023 онд дэвшүүлсэн “Аудитын шийдвэрийн хэрэгжилт, түүний үр нөлөө, ил тод, хариуцлагатай байдлыг сайжруулах” зорилтын хүрээнд 3 бүлэг 43 нэрийн ажлыг 17 орон тоотойгоор гүйцэтгэлээ.
Говь-Алтай аймаг дахь Төрийн аудитын газар нь 143 санхүүгийн тайланд дүгнэлт өгч, 138 санхүүгийн тайланг түүвэрт хамруулан үзэж, нэгдсэн удирдамжаар 3 гүйцэтгэл, 1 нийцлийн аудитыг 3 ахлах аудитор, 6 аудиторын хүчин чадлаар 3089 хүн өдөр, 6286 илүү цагаар ажиллаж 156.6 сая төгрөгийн өртөгтэйгөөр хийж гүйцэтгэлээ.
Төрийн аудитын байгууллагын зорилтын хүрээнд 8 арга хэмжээг төлөвлөн 100 хувь хэрэгжүүлж ажиллалаа.
Тайлант жилийн болон өмнөх оноос шилжин ирсэн шийдвэрийн үлдэгдлээс орон нутгийн төсөв, сангуудын болон байгууллагын дансанд 533.6 сая төгрөгийг төвлөрүүлж, албан шаардлагаас 35,097.8 сая төгрөгийн зөрчлийг арилгуулж, 3,294.9 сая төгрөгийн зөвлөмжийг хэрэгжүүлж, 21,130.9 сая төгрөгийн санхүүгийн үр өгөөж, 43 санхүүгийн бус үр өгөөжийг харилцагч байгууллагаар хүлээн зөвшөөрүүлсэн. Ингэснээр аймаг дахь Төрийн аудитын газрын нэг төгрөгт ногдох хүлээн зөвшөөрөгдсөн үр өгөөж 76.48 төгрөг боллоо.
