Монгол Улсад төрийн хяналтын тогтолцоо үүсэж хөгжсөний 100 жилийн ойг тохиолдуулан 2022 оны 10 дугаар сарын 14-ний өдөр баярын хурал хийлээ. Баярын хуралд сумуудын Ардын хянан шалгах хороо болон Төрийн аудитын байгууллагын үе үеийн удирдлагууд, ахмадууд, ажиллаж байсан болон ажиллаж байгаа албан хаагчид, орон нутгийн удирдлагууд, хамтран ажилдаг байгууллагын удирдлагууд оролцлоо. Төрийн хяналтын чиг үүргийг нэр төртэй гүйцэтгэж энэ байгууллагын нэгэн зууны түүхийг бичилцэж, үндэс суурийг тавьсан үе үеийн удирдлага, ахмадууддаа, ажиллаж байсан болон ажиллаж байгаа албан хаагчиддаа, тэдний гэр бүлд, орон нутгийн удирдлагууд, хамтран ажилладаг байгууллагуудын хамт олонд түүхт ойн баярын мэндийг хүргэж, эрүүл энх, сайн сайхан бүхнийг хүсэн ерөөе.