ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

  1. Үндэсний Аудитын газарнь ҮАГ-20/009-1 дугаартай Барилга байгууламжийн зураг төсөв зохиох, магадлал хийх, мөрдөгдөж буй барилгын норм, нормативыг боловсронгуй болгох чиглэлээр дүгнэлт гаргах зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.
  2. Энэхүү зөвлөх үйлчилгээ нь барилга байгууламжийн зураг төсөв зохиох, магадлал хийх, мөрдөгдөж буй барилгын норм, нормативыг боловсронгуй болгох чиглэлээр дүгнэлт гаргах ба үүнд дараах болно.

-Өгийнуурын бохирдолт, ширгэлтээс хамгаалах, урсцыг сайжруулах, /Архангай аймаг/;

-Хөв цөөрөм байгуулах, /Увс аймаг, Хяргас нуур/;

-Зайсан орчмын хотхонуудын усан хангамжийн төвлөрсөн систем, /Улаанбаатар хот, Хан-Уул дүүрэг/;

-Сумын төвийн инженерийн нэгдсэн шугам сүлжээ /цэвэр, бохир ус болон дулаан, дулааны эх үүсвэр/, /Ховд аймаг, Булган сум/;

-Нэгдсэн эмнэлгийн барилга, 100 гр, /Говьсүмбэр аймаг, Сүмбэр сум/;

-Сургуулийн барилгын комплекс, 320 суудал, /Хөвсгөл аймаг, Улаан-Уул сум/;

-Спортын төрөлжсөн сургуулийн барилга, 640 суудал, /  Төв аймаг, Зуунмод хот/;

-Сургуулийн өргөтгөлийн барилга, 320 суудал, /Ховд аймаг, Алтай сум/;

-Аймгийн төвийн авто зам, зогсоолуудын шинэчлэл, /Баян-Өлгий аймаг, Өлгий хот/;

-Аймгийн төвийн хатуу хучилттай авто зам, 2,8 км, /Дундговь аймаг, Сайнцагаан сум/;

-Аймгийн төвийн хатуу хучилттай авто зам, 2,8 км /12 дугаар баг/, /Увс аймаг, Улаангом сум/;

-Мянганы замын хэвтээ тэнхлэгийн Орхон гол-Их тамир чиглэлийн гүүр, авто замын ажлын эхлэл, 63 км, /Архангай аймаг/;

-Хан-Уул дүүргийн 13 дугаар хорооны Туул тосгоны хатуу хучилттай авто замын төгсгөлөөс Төв аймгийн Алтанбулаг сумын төв хүртэлх хатуу хучилттай авто зам, 13,7 км, /Төв аймаг, Алтанбулаг сум/;

-Онон голын төмөр бетон гүүр, 150,0 у/м, /Хэнтий аймаг, Баян-Адарга сум/;

-Онон голын Онгоцтойн амны төмөр бетон гүүр, 220 у/м, /Өвөрхангай аймаг, Бат-Өлзий сум/;

  1. Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох дараах мэдээллийг ирүүлнэ. Тендерт оролцогч нь Санхүүгийн болон туршлагын дараах шаардлагыг хангасан байна.

Үүнд:

Борлуулалтын хэмжээ:

Сүүлийн 2 жилийн (2018, 2019 он)дундаж борлуулалтын орлогын хэмжээ нь тендерт санал болгож буй үнийн 50 хувиас багагүй байна.

Сүүлийн хоёр жилд хэрэгжүүлсэн ижил төстэй ажлын өртөг:

Сүүлийн 2 жил буюу 2018, 2019 оны аль нэг жилд тендерт санал болгож буй үнийн дүнгийн 30 хувиас багагүй үнийн дүнтэй ижил төстэй ажлыг доод тал нь нэг удаа гүйцэтгэсэн байх. /Магадлан эксперт хийсэн төслийн гэрээ, хүлээлгэж өгсөн батлагдсан  нүүр хуудас буюу акт, тухайн ажлыг цаг хугацаанд нь чанартай хийж гүйцэтгэсэн захиалагчийн  тодорхойлолт тус бүрийг хуулбарлан ирүүлнэ/.

Инженер техникийн ажилтнуудын дэлгэрэнгүй мэдээллийг ирүүлнэ.

Барилга, дулаан, цахилгаан, ус хангамж ариутгах татуурга, сантехник, авто замын инженер нь техникийн ухааны чиглэлээр магистр болон түүнээс дээш боловсролын зэрэгтэй байх,

Шинжээч нь тухайн мэргэжлээрээ зөвлөх инженер, тэргүүлэх зэрэгтэй төсөвчин байх ба мэргэжлээрээ 10-аас доошгүй жил ажилласан туршлагатай байх,

Барилга, авто зам болон шугам сүлжээний зураг төсөл, төсөвт өртгийн тооцоололд дүгнэлт гаргасан туршлагатай байх,

Мэргэжлийн чиглэлийн 3-аас доошгүй барилгын норм нормативын баримт бичиг, стандарт /гарын авлага, зөвлөмж/ боловсруулсан, боловсруулахад хамтран оролцсон байх;

Барилгын тухай хуулийн 8 дугаар зүйлийн 8.3-т заасан шаардлагыг биелүүлсэн байх;

Өөрийн мэргэжлийн чиглэлийн норм, нормативын баримт бичгийн сантай байх, жагсаалтыг ирүүлэх.

Зөвлөх нь гүйцэтгэх хүсэлтэй тухайн зөвлөх үйлчилгээний зураг төсөв, барилгын ажилд оролцоогүй байх, тэр тухайгаа албан бичгээр батлан ирүүлнэ.

Тусгай зөвшөөрөл шаардлагатай бол тусгай зөвшөөрөл ирүүлэх эсэх:үгүй

Чадварыг нэмэгдүүлж сайжруулах зорилгоор зөвлөхүүд түншлэлийн хэлбэрээр оролцож болно.

  1. Мэдүүлгийг Цахим худалдан авах ажиллагааны систем (www.tender.gov.mn) хаягаар өөрийн ААН-ийн хувийн нууцлалын кодыг ашиглан нэвтэрч цахим хэлбэр (pdf)-ээр илгээнэ. Цахим систем ашиглан илгээх нийт файлын хэмжээ 100 Мb, нэг файлын хэмжээ 15 Mb байна.

Сонирхсон этгээд нэмэлт мэдээллийг 2020 оны 04 дүгээр сарын 10-ны өдрийн 09 цаг 30 минутаас эхлэн 2020 оны 04 дүгээр сарын 22-ны өдрийн 11 цаг 00 минут хүртэл авч болох бөгөөд мэдүүлгээ Төрийн худалдан авах ажиллагааны цахим систем www.tender.gov.mn-ээр 2020 оны 04 дүгээр сарын 22-ны өдрийн 11 цаг 10 минутын дотор ирүүлнэ үү.

15160 Улаанбаатар хот, Чингэлтэй дүүрэг, Бага тойруу-3,                                                        Засгийн газрын IV байр, 04 дүгээр давхар,

Үндэсний Аудитын газар,

Утас: 32 98 70

www.tender.gov.mnwww.audit.mn