Аудитын зорилго:

Боловсрол, Соёл, Шинжлэх Ухаан, Спортын Сайдын эрхлэх асуудлын хүрээний Төсвийн шууд захирагчдын 2018 оны санхүүгийн тайлан, төсвийн гүйцэтгэлд Нягтлан бодох бүртгэлийн тухай хууль болон УСНББОУС, түүнд нийцүүлэн гаргасан улсын төсвийн байгууллагын нягтлан бодох бүртгэлийн бодлого, заавар журмын дагуу үнэн, шударга илэрхийлэгдсэн эсэхэд дүгнэлт өгөх.

Монгол Улсын ерөнхий аудиторын 2018 оны 12 дугаар сарын 07-ны өдрийн А/225 дугаар тушаалаар баталсан “2018 оны жилийн эцсийн санхүүгийн тайлан, төсвийн гүйцэтгэлд аудит хийх хуваарь”-ыг үндэслэв.

Хамрах хүрээ:

Боловсрол, Соёл, Шинжлэх Ухаан, Спортын Сайдын эрхлэх асуудлын хүрээнд 2018 оны жилийн эцсийн санхүүгийн тайлангийн аудитаар 1 ТТЗ, 5 ЗГТС, 60 ТШЗ, 13 ТӨААН, 14 төсөл, 88 тусгай зориулалтын шилжүүлэг, 8 данс, 36 байгууллага аймаг нийслэлийн аудитын газарт нийт 225 төсөв захирагч, төслүүдийн санхүүгийн тайлан нэгтгэгдэж байна.

2018 оны жилийн эцсийн санхүүгийн тайлангийн аудитаар 60 ТШЗ аудитад хамрагдахаас 49 ТШЗ-ийн санхүүгийн тайланд дүгнэлт өгөхөөр, 11 ТШЗ аудитын түүвэрт хамрагдахаар төлөвлөгөөнд тусгагдсан. Үүнээс 42 төсвийн байгууллагад дүгнэлт гарч, 7 байгууллагын тайлан эцэслэгдээгүй, 11 байгууллага түүвэрт хамрагдаж байна.

Аудитад 2018 оны санхүүгийн тайлан, төсвийн гүйцэтгэлийн тайлан, бусад холбогдох баримтуудыг хамруулав.

Санал дүгнэлт, зөрчлийн нэгтгэл:

Аудитын дүгнэлт гарсан 42 байгууллагаас Зөрчилгүй санал дүгнэлт 38, хязгаарлалттай санал дүгнэлт 4 байгууллага авсан байна.

Нийт 3,358.3 сая төгрөгний 133 зөрчил илэрснээс 88.7 сая төгрөгний 7 алдааг залруулж, 39.8 сая төгрөгийн 10 төлбөрийн акт, 2,232.2 сая төгрөгийн 18 албан шаардлага тогтоож, 997.6 сая төгрөгийн 98 зөвлөмж өгөгдсөн байна.

Ажилласан баг:

            Санхүүгийн аудитын газрын захирал бөгөөд Тэргүүлэх аудитор Ц.Наранчимэг, аудитын менежер С.Оюунгэрэл нар аудитыг хянан удирдаж, ахлах аудитор Д.Цэрэндорж, аудитор Ц.Энхжаргал нар гүйцэтгэв.

Хугацаа:

            2019 оны 1 дүгээр сарын 25-нөөс 2 дугаар сарын 25-ны хооронд