Монгол Улсын Ерөнхий аудитор С.Магнайсүрэн БНХАУ-ын Харбин
хотноо /2025.09.01-09.03/ болсон Аудитын Дээд Байгууллагуудын Олон Улсын
Байгууллагын “Их өгөгдлийн ажлын хэсэг”-ийн IX чуулга уулзалтад оролцлоо.
Энэхүү ажлын хэсэг нь 34 бүрэн эрхт, 3 ажиглагч гишүүнтэй. Монгол Улсын
Үндэсний аудитын газар нь 2025 онд бүрэн эрхт гишүүнээр элссэн юм. “Хиймэл оюун ухааны эрин
үед аудитад шинэ ололт амжилтын төлөө түншлэх” сэдвийн хүрээнд болсон энэ
удаагийн чуулга уулзалтад 22 орны
Аудитын дээд байгууллагын 70 орчим төлөөлөгч оролцсон. Монгол Улсын Ерөнхий аудитор С.Магнайсүрэн тэргүүтэй
Үндэсний аудитын газрын төлөөлөгчид энэхүү уулзалтад оролцсоноор бусад гишүүн
орны Аудитын дээд байгууллагууд их өгөгдөл, хиймэл оюун ухаан, технологийн
дэвшлийг аудитад ашиглаж буй арга зүй, чиг хандлага болон цаашид баримтлах
зарчим, анхаарах асуудлын талаар туршлага судлав. Мөн Монгол Улс, БНХАУ-ын Аудитын дээд байгууллага хооронд
“Харилцан ойлголцлын санамж бичиг”-ийг байгууллаа. 
