Үндэсний аудитын газар, Авлигатай тэмцэх газрын Урьдчилан сэргийлэх, соён гэгээрүүлэх хэлтэс, Сангийн яамны Нягтлан бодох бүртгэлийн бодлогын газрын холбогдох албан тушаалтнууд Авлигын эсрэг үйл ажиллагааны төлөвлөгөөний хэрэгжилтийг хангуулах чиглэлээр албаны уулзалт хийлээ. Уулзалтаар Үндэсний аудитын газар, Сангийн яам, Мэргэшсэн нягтлан бодогчдын институттэй хамтран хэрэгжүүлж буй төлөвлөгөөний хэрэгжилт, явцын талаар санал солилцов. Мөн санхүүгийн тайлангийн аудитаар илэрсэн зөрчилд шалгагдагч байгууллагын санхүү, бүртгэлийн чиг үүрэг бүхий албан хаагчид, төсөв захирагч нарт хариуцлага тооцуулахаар өгсөн албан шаардлагын хэрэгжилт, цаашид зөрчлийг давтан гаргахгүй байх талаар үр дүнтэй арга хэмжээ авч хэрэгжүүлэх боломж шийдлийн талаар ярилцав.
