Монгол Улсын Ерөнхий аудитор С.Магнайсүрэн өнөөдөр /2025.10.27/ БНСУ-ын Хамтын ажиллагааны байгууллага /КОЙКА/-ын Монгол дахь Төлөөлөгчийн газрын суурин төлөөлөгч Жу Хэйн Наныг хүлээн авч уулзлаа.
Уулзалтын эхэнд Ерөнхий аудитор С.Магнайсүрэн олон улсын хөгжлийн хамтын ажиллагааны байгууллагуудтай үр дүнтэй хамтран ажиллах төлөвлөгөөнийхөө тухай танилцууллаа. Мөн энэ оны наймдугаар сард Сөүл хотод болсон Аудитын дээд байгууллагуудын Азийн байгууллагын чуулга уулзалтад оролцохдоо БНСУ-ын Аудит, хяналт шалгалтын зөвлөлийн Комиссар, Орлогч дарга Ким Инхоетай уулзсан талаар дурдав. Энэ үеэр талууд сургалт, судалгааны чиглэлээр хамтран ажиллахаар ойлголцсон бөгөөд КОЙКА-тай дээрх чиглэлээр болон мэдээлэл технологийн дэвшлийг нэвтрүүлэх төсөл, хөтөлбөрийг Төрийн аудитын байгууллагад хэрэгжүүлэх саналаа илэрхийлэв.
