Үндэсний аудитын газраас гэрээгээр санхүүгийн тайлангийн аудит гүйцэтгэж
байгаа аудитын хуулийн этгээдүүдийн аудиторуудад зориулсан сургалтыг өнөөдөр /2025.11.10/
зохион байгуулж байна.
Жил бүр зохион байгуулдаг энэхүү сургалтаар санхүүгийн тайлангийн аудитын стандарт, дүрэм, журам, заавар аргазүй болон санхүүгийн тайлангийн аудитыг гэрээгээр гүйцэтгэх аудитын хуулийн этгээдийн сонгон шалгаруулалтын үйл ажиллагаа, үүрэг хариуцлага, цаашид анхаарах асуудлын талаар мэдлэг, ойлголтыг олгодог. Энэ удаагийн сургалтад Төрийн аудитын байгууллагын нэрийн өмнөөс аудит гүйцэтгэж байгаа 64 хуулийн этгээдийн удирдлага, менежер, ахлах аудиторууд оролцож байна.
Сургалтыг Монгол Улсын Ерөнхий аудитор С.Магнайсүрэн нээж үг хэлэхдээ Төрийн аудитын нэрийн өмнөөс санхүүгийн тайлангийн аудит хийж гүйцэтгэхдээ холбогдох хууль тогтоомж, олон улсын стандарт, ТАБ-ын журам, заавар, аргачлал болон ёс зүйн дүрмийг баримтлан хараат бус, авлигаас ангид ажиллах ёстойг онцоллоо. Мөн гүйцэтгэсэн аудитын илрүүлэлтийг сайжруулахыг сануулав. Монгол Улсын Ерөнхий аудитор С.Магнайсүрэн “...Төрийн аудитын байгууллага зөвхөн алдаа зөрчил илрүүлдэг бус зөвлөн туслах чиглэлд шалгагдагч байгууллагуудтайгаа хамтран ажилласнаар эерэг үр дүнд хүрэх болно...” хэмээв. Мөн Төрийн аудитын байгууллага ёс зүй, хараат бус байдлыг хангахын зэрэгцээ авлига, ашиг сонирхлоос ангид ажилладаг бөгөөд аудитын хуулийн этгээдүүд энэхүү зарчмыг баримтлан ажиллахыг уриаллаа.
Сургалт үргэлжилж байна.
