Бүгд Найрамдах Киргиз Улсын Тооцооны танхимын дарга
Алмазбек Акматов тэргүүтэй төлөөлөгчдийн Монгол Улсад хийж буй ажлын айлчлалын
хүрээнд хоёр орны аудитын дээд байгууллагын харилцан туршлага солилцох уулзалт-ярилцлага
боллоо. Киргиз Улсын Тооцооны танхимыг 1996 онд төрийн
санхүү, эдийн засгийн хяналтын дээд байгууллага болгож, хуульчилсан бөгөөд 2004
онд нэмэлт, өөрчлөлтөөр Төрийн аудитын бие даасан байгууллагаар
баталгаажуулжээ. Тус танхим нь Бүгд Найрамдах улсын болон орон нутгийн төсвийн
гүйцэтгэл, төрийн, орон нутгийн өмчийн аж ахуйн нэгжид аудит гүйцэтгэдэг. Киргизийн
тооцооны танхимын удирдлагад есөн аудитор байхаас гурвыг нь тус улсын
Ерөнхийлөгчийн санал болгосноор томилдог байна. 
Туршлага солилцох уулзалтад Монгол Улсын Төрийн
аудитын байгууллагын үйл ажиллагаа, бүтэц зохион байгуулалтын талаар Үндэсний
аудитын газрын Тамгын дарга, тэргүүлэх Б.Бундхорол мэдээлэл өгөв. Мөн Төрийн
аудитын байгууллагын бодлого, мэдээлэл технологийн төвийн үйл ажиллагаа,
сургалт хөгжлийн талаарх танилцуулгыг холбогдох албаныхан өгч, Киргизийн төлөөлөгчдийн
сонирхсон асуултад хариулт өглөө. Харилцан туршлага
солилцох уулзалт ярилцлагад Үндэсний аудитын газрын дарга нар, зохион
байгуулалтын бүцтийн нэгжийн удирдлагууд оролцлоо.
