Монгол Улсын Засгийн газрын 2025 оны 23 дугаар тогтоолын дагуу улсын хэмжээнд зохион байгуулагдсан “Төрийн байгууллагын ажлын зохион байгуулалт, архив, албан хэрэг хөтлөлтийн улсын үзлэг”-т Үндэсний аудитын газар албан хэрэг хөтлөлт–92 хувь, байгууллагын архивын үйл ажиллагаа–94.4 хувь, төрийн байгууллагын ажлын зохион байгуулалт–95 хувийн үнэлгээ авч, нийлбэр дүнгээр 93.8 хувьтай үнэлэгдлээ. 4–6 жилийн давтамжтай зохион байгуулагддаг улсын үзлэг нь төрийн байгууллагын ажлын зохион байгуулалт, архив, албан хэрэг хөтлөлтийн үйл ажиллагааг олон талаас нь нягтлан шалгадаг онцлогтой. Иймд төрийн байгууллагуудын хувьд үйл ажиллагаагаа бодитой үнэлүүлэх, ололт амжилт, алдаа дутагдлаа тодорхойлж, цаашид сайжруулах боломж гэж үзэн онцгой анхаарч ажилладаг юм.
