Үндэсний аудитын газраас “Улсын хөгжлийн 2025 оны жилийн төлөвлөгөөний хэрэгжилтэд” хийх аудитын нээлтийг хийж (2026.01.16), аудитыг эхлүүллээ. Тус аудитаар Улсын хөгжлийн 2025 оны жилийн төлөвлөгөөнд туссан арга хэмжээний төлөвлөлт, гүйцэтгэл, тайлагнал болон хөгжлийн жилийн зорилтын хэрэгжилтийг үнэлж, дүгнэх юм. Үндэсний аудитын газрын Нийцлийн аудитын газрын захирал, тэргүүлэх аудитор Б.Баттуяа аудитыг нээж, төлөвлөгөө хөтөлбөрийг танилцууллаа. Аудитад Засгийн газар, төсвийн ерөнхийлөн захирагчид, бусад холбогдох байгууллагыг хамруулж, аудитын тайлан, дүгнэлтийг Монгол Улсын Их Хуралд хүргүүлнэ. 
