Бүх шатны төсвийн захирагчдын санхүүгийн тайлан, төсвийн гүйцэтгэлд хийх аудит эхэлж байгаатай холбогдуулан Монгол Улсын Ерөнхий аудитор С.Магнайсүрэн Сангийн яамны удирдлагуудыг хүлээн авч уулзлаа.
Уулзалтад Сангийн яамны Төрийн нарийн бичгийн дарга М.Баярмагнай, Төсвийн бодлого, төлөвлөлтийн газрын дарга М.Санжаадорж, Үндэсний аудитын газрын Санхүүгийн аудитын газрын захирал, тэргүүлэх аудитор Ц.Наранчимэг, Тусгай чиг үүргийн аудитын газрын захирал, тэргүүлэх аудитор Д.Баярсайхан тэргүүтэй албаны төлөөлөл оролцов.
Монгол Улсын Ерөнхий аудитор С.Магнайсүрэн уулзалтаар 2025 оны нэгдсэн төсвийн гүйцэтгэл болон Засгийн газрын 2025 оны санхүүгийн нэгтгэсэн тайланд нэгтгэгдсэн байдал, аудитын бодлого, чиглэлийг танилцуулж, анхаарах асуудлын талаар санал солилцлоо. 
