Үндэсний аудитын газраас үнэ тогтворжуулах талаар төрөөс олгож буй татаас, нөхөн олговрын зарцуулалтын үр дүнд гүйцэтгэлийн аудит эхлүүллээ. Аудит нь үнэ тогтворжуулах зорилгоор төрөөс тодорхойлсон бодлого, чиглэл, олгосон татаас, нөхөн олговрын үр дүнд гол нэр төрлийн зарим бараа, бүтээгдэхүүний үнийн өсөлт, хомстлоос сэргийлж, сөрөг нөлөөллийг буруулсан эсэхийг үнэлэх зорилготой юм. Аудитад Монголбанк, Санхүүгийн зохицуулах хороо, Сангийн яам, Хот байгуулалт, барилга, орон сууцжуулалтын яам, Аж үйлдвэр, эрдэс баялгийн яам, Зам тээрийн яам, Хүнс хөдөө аж ахуй, хөнгөн үйлдвэрийн яам, Эрчим хүчний яам болон үнэ тогтворжуулах үйл ажиллагаатай холбоотой бусад байгууллагыг хамруулна. Улмаар үнэ тогтворжуулах арга хэмжээний хүрээнд олгосон татаас, нөхөн олговрын талаар гаргасан шийдвэр, гэрээ, хэлцэл, санхүүжилтийн мэдээлэл, үйл ажиллагааны тайлан, хяналт үнэлгээ, бусад баримт материалд аудитыг гүйцэтгэх юм.
