Монгол Улсын Ерөнхийлөгчийн зарлигаар Алтангэрэлийн Дашдорж өнөөдөр (2026.02.16) “Монгол Улсын гавьяат эдийн засагч” цол хүртлээ. А.Дашдорж нь 1995 онд Завхан аймгийн Төрийн хянан шалгах хорооны даргаар томилогдон 2003 онд өндөр настны тэтгэвэрт гарах хүртлээ үр бүтээлтэй ажиллаж, төрийн хяналтын байгууллагын хөгжил, төлөвшилд бодит хувь нэмэр оруулсан хүн юм. Монгол Улсын Ерөнхий аудитор С.Магнайсүрэн гавъяат эдийн засагч А.Дашдоржийг хүлээн авч уулзан, хүндэтгэл үзүүлэв. Тэрбээр, XVII жарны “Сүрээр дарагч” гал морин жилийн босгон дээр төрийн дээд шагнал хүртсэн эрхэм бууралд баяр хүргэж, эрүүл энх, сайн сайхан бүхнийг хүсэн ерөөлөө.
