Үндэсний аудитын газар нь “Төрийн сангийн тогтолцоо хууль тогтоомжийн нийцэл”-д хийх аудитын хүрээнд Төрийн санд ашиглагдаж буй системүүд нь Төрийн сангийн төлбөр, тооцоо, санхүүгийн үйл ажиллагааны хэрэгцээ шаардлага, найдвартай тасралтгүй байдал, системийн аюулгүй байдал ханагдсан эсэх, тус системд хийгдэж буй хяналт зэрэг нь стандартад заасан шаардлага, шалгуурыг ханган, алдаагүй ажиллаж байгаа эсэхэд дүгнэлт өгөх зорилгоор шинжээч сонгон шалгаруулж хамтран ажиллахаар төлөвлөж байгаа тул сонирхсон этгээдийг саналаа ирүүлэхийг урьж байна.
Шинжээч нь Монгол Улсын холбогдох хууль тогтоомжийг үйл ажиллагаандаа мөрдлөг болгон гэрээ, ажлын даалгаварт заасан ажлыг мэргэжлийн болон чанарын өндөр түвшинд хийж, шаардлагатай судалгаа, шинжилгээ, тооцоо, тайлан бусад ажлыг хугацаанд нь үнэн зөв, чанартай гүйцэтгэх үүрэг хүлээнэ.
Сонгон шалгаруулалтыг Монгол Улсын Ерөнхий аудиторын 2020 оны А/82 дугаар тушаалаар баталсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын дагуу зохион байгуулна. Журмыг эндээс үзнэ үү.
Энэхүү сонгон шалгаруулах үйл ажиллагаа нь Төрийн аудитын байгууллагатай гэрээний үндсэн дээр хамтран ажиллах дараах ажилд хамаарна. Үүнд:
|
№ |
Шинжээч ажиллуулбал зохих ажлын нэр |
Ажлын даалгаврын дугаар |
Төсөвт өртөг /төг/ |
|
1 |
Төрийн сангийн тогтолцоо,
хууль тогтоомжийн нийцэлд хийх аудитад мэдээлэл технологийн зөвлөх үйлчилгээ
авах шинжээчийн ажлын даалгавар |
ҮАГ-АД/2026-12 |
12,000,000.00 |
• Ажлын даалгаврыг ЭНДЭЭС үзнэ үү.
• Саналын баримт бичгийг ЭНДЭЭС үзнэ үү.
Шинжээч нь дараах шаардлагыг хангасан байна. Үүнд:
-Мэдээллийн технологи, кибер аюулгүй байдал, дата анализ чиглэлээр мэргэжилтэй, CISA гэрчилгээтэй байх;
-Программ хангамж, мэдээллийн технологи, кибер аюулгүй байдал, систем хөгжүүлэлт, өгөгдлийн сан зэргийн аль нэгээр ажиллаж байсан туршлагатай;
-Програмчлал, системийн аюулгүй байдал, сүлжээ, өгөгдлийн сангийн талаар мэдлэгтэй, код бичих, мэдээлэл технологийн аудит хийж байсан, CEH, OSCP эсвэл дүйцэхүйц гэрчилгээтэй бол давуу тал болно. Бүрдүүлэх материал:
- Иргэний үнэмлэхийн хуулбар;
- Анкет /СV/;
- Боловсрол, мэргэшлийн гэрчилгээний хуулбар;
- Гүйцэтгэсэн ижил төстэй зөвлөх үйлчилгээний мэдээллийг холбогдох нотлох баримтын хамт /2-оос доошгүй жилээр/;
- Багийн гишүүдийн хамтран ажиллах гэрээ /нотариатаар баталгаажуулах/.
Сонирхож буй этгээд нь дээрх материалаас гадна Саналын баримт бичгийн дагуу материалаа бэлтгэн 2026 оны 04 дүгээр сарын 02-ны өдрийн 17 цаг 30 минут хүртэл /munkhtuyats@audit.gov.mn/ цахим хаягаар ирүүлнэ үү. Саналыг цахим pdf файлаар нэгтгэн /PDF файлыг 15MB-аас ихгүй ирүүлэх ба файл заасан хэмжээнээс илүү гарсан бол файлыг хуваах/ ирүүлнэ.
Хаяг: Улаанбаатар хот, Чингэлтэй дүүрэг, Бага тойруу-3 Засгийн газрын IV байр 308 тоот,
Хууль, эрх зүй ил тод байдал хариуцсан албаны Ахлах шинжээч Ц.Мөнхтуяа +976-51-261745, 92113939
